ولعت بين جورج خباز وكاريس بشار.. إليكم كيف انتهت.. (فيديو)
تصدّر مشهد مواجهة جمع بين الممثلين اللبناني جورج خباز والسورية كاريس بشار في مسلسل "النار بالنار"، حديث روّاد مواقع التواصل الاجتماعي خلال الساعات الماضية.
ويصور المشهد استياء كاريس، التي تؤدي دور "مريم" في المسلسل، من يافطة معلقة في الشارع كُتب عليها "يمنع تجوال السوريين بعد الساعة الثامنة مساء"، وهو ما يثير غضبها لتدخل في مواجهة كلامية حادة مع جورج خباز (عزيز) الذي كان يقف بالقرب منها.
وفي الحوار، الذي يلقي الضوء على ظاهرة "العنصرية"، يقول عزيز لـ مريم: "انتو جايين هيك وقحين ما عندكن جنس الحيا، إلك عين تحكي إنت؟ ماضيكن معنا بشع وحاضركن على ابشع، انا محلك بحط راسي بالأرض".
لترد عليه مريم بالقول: "اول شي مو نحنا اللي اجيناكم بكيفنا، انتو اللي بعتو ورانا، وتاني شي لولانا كنتو هبرتو بعض".
عزيز أكمل حواره قائلاً: "نحن بعتنا وراكن على أساس قوات ردع عربية صار بدو مين يردعكن، قعدتو عنا 30 سنة عم تردعوا مدري مين ومدري شو، بعدين لما خلصت الحرب بقيتوا ميّطقين على قلبنا متل الكابوس، شو بتعرفي عن المدفون، شو بتعرفي عن ضهر البيدر، عن عنجر؟ انت شي مرة قاعدة على ربطة الخبر لما يقشطك ياها ابو سن دهب تبع الحاجز، كنا اذا اخدنا نفس يشلحونا نصوا، إلك عين تحكي كمان".
لتعود كاريس بشار بالقول: "ما بدها كل هالموشحات، حمال حالك ونزال عالشام وورجينا المراجل، ليقاطعها هو قائلاً:"ما بدي انزل عالشام، روحي انت عالشام"، قبل أن يختتم المشهد باستهزاء مريم من عزيز بالقول: "وينك يا ردع بيكتبوها سوريين مو سوريون يا مثقف يا فهيم يا فينيقي".
ويتألف المسلسل من 30 حلقة، صوّر في أحد الأحياء السكنية في منطقة سد البوشرية شرقي العاصمة اللبنانية بيروت.
ويناقش المسلسل العلاقة بين الشعبين السوري واللبناني في 30 حلقة، من خلال قصة مُدرِّسة سورية هربت من وطنها الذي مزقته الحرب، لتجد نفسها عالقة في بيروت، وحيدة ومن دون أوراق ثبوتية، فيتوجب عليها مقاومة الواقع بهدف الاستمرار والعيش في مدينة لا تعرفها قط.
تابعوا آخر الأخبار من icon news على WhatsApp تابعوا آخر الأخبار من icon news على Telegramنسخ الرابط :
